A Axencia de Emprego e Desenvolvemento Local do Concello de Monfero

Comezou a funcionar a finais do ano 2000; dita Axencia foi creada no ámbito da colaboración da Xunta de Galicia coas entidades locais, a través dos programas de cooperación, como instrumento para promover a configuración dunha rede especializada na implantación das políticas activas de emprego e na xeración de emprego no contorno local.

Definición e funcións do axente de emprego e desenvolvemento local.

A colaboración na implantación das políticas activas de emprego desenvolvense no marco de actuación conxunta entre o Concello e a Consellería de Traballo, seguindo as directrices fixadas por esta e que son as seguintes:

• Análisis da evolución e repercusión das medidas activas de emprego na zona de actuación, facilitándo información puntual a aquela.
  
  
• Colaboración co resto dos integrantes da rede, na procura da mellora da súa calidade, intercambiando coñecementos e experiencias, así como desenvolvendo actividades e proxectos conxuntos.

O axente de emprego e desenvolvemento local realiza as seguintes funcións:

• Xestiona axudas para favorecer o emprego, centrándose, sobre todo, naqueles colectivos con maiores dificultades á hora de conseguir emprego.
  
  
• Informa as empresas dos instrumentos de promoción e fomento da competitividade empresarial dispoñibles, así como facilitar o seu acceso a eles.
  
  
• Promove a cultura emprendedora fomentando iniciativas empresariais e apoiando novos proxectos de autoemprego individual ou colectivo informando as medidas de apoio existentes e poñendo en relación persoas emprendedoras e recursos.
  
  
• Comunica a empresas e persoas emprendedoras as subvencións para a formación e o emprego, e facilita o acceso ás mesmas.
  
  
• Facilita a inserción laboral das persoas demandantes de emprego, en especial das participantes en políticas activas de emprego, identificando as necesidades de persoal das empresas a curto e medio prazo e propoñendo accións de mellora da empregabilidade da poboación desempregada.
  
  
• Fai observación estratéxica do territorio e realización de estudos co fin de detectar necesidades formativas e educativas da poboación desempregada.
  
  
• Contribuíe ao desenvolvemento socioeconómico do territorio mediante:
  
  
  1. A prospección de recursos ociosos ou infrautilizados e de proxectos empresariais de promoción económica e iniciativas innovadoras para a xeración de emprego.
     
  2. A difusión e estímulo das potenciais oportunidades de creación de actividades entre persoas desempregadas, promotores e promotoras, persoas emprendedoras e institucións colaboradoras.
     
  3. O acompañamento técnico na iniciación de proxectos empresariais para a súa consolidación en empresas xeradoras de novos empregos, asesorando e informando sobre a viabilidade técnica, económica e financeira e, en xeral, sobre os plans de lanzamento das empresas.
     
  4. O apoio aos promotores e ás promotoras das empresas, unha vez constituídas estas, acompañándoos/as tecnicamente durante as primeiras etapas de funcionamento.