Os Servizos Sociais de Atención Primaria supoñen a “porta de entrada” ó sistema, o nivel básico de actuación. Son aqueles que realizan unha acción social globalizadora dirixida ao conxunto da poboación. Teñen por obxecto promover e posibilitar o desenvolvemento do benestar social de todos/as cidadáns/as.

PROGRAMAS:

• PROGRAMA DE INFORMACIÓN, ORIENTACIÓN E ASESORAMENTO:
  Ten por obxecto informar aos/as cidadáns/as sobre os distintos
  dereitos e recursos en materia de servizos sociais, así como orientar e asesorar as persoas e grupos afectados por problemáticas específicas, diagnosticar situación e, se fora preciso, derivar aos servizos sociais de Atención Especializada.
  
  
• PROGRAMA DE AXUDA NO FOGAR:
  O Servizo de Axuda no Fogar está dirixido a toda a poboación, pero
  ten como prioridade aqueles/as cidadáns/as que presenten disfuncións ou discapacidades que lles limiten a súa autonomía persoal e a súa capacidade de relación social. De igual xeito, vai dirixido ás persoas que teñan dificultades para procurar o seu benestar físico, social e psicolóxico, prestándolles unha serie de atencións ou coidados de carácter persoal, psicosocial e educativo, doméstico e técnico; e proporcionándolles a posibilidade de continuar no seu entorno natural, mentres isto sexa posible e conveniente.

• PROGRAMA DE INSERCIÓN SOCIAL:
  Ten como obxectivo principal a prevención de situacións de
  marxinación e as súas causas, do mesmo xeito que facilitar a participación no medio social das persoas ou grupos máis desfavorecidos, afectados polas diferentes formas de exclusión e marxinación social.
  
  Tanto a nivel preventivo coma de intervención directa en supostos concretos, desenvolverase mediante as seguintes actividades:
  
  
  • Accións de promoción e participación social.
    
    
  • Accións dirixidas a facilitar o acceso aos recursos.
    
    
  • Xestión das prestacións económicas e sociais establecidas, realizando o seguemento e avaliación na súa aplicación.
    
    
• PROGRAMA DE CONVIVENCIA ALTERNATIVA:
  
  Oferta dun aloxamento provisional a aquelas persoas en situación de
  emerxencia persoal ou familiar cando non sexa posible a permanencia no propio fogar ou este non exista. As actuacións a levar a cabo serían:
  
  
  • A detección e análise da necesidade.
    
    
  • Xestión e seguemento dos casos e das circunstancias que o motivaron.
    
    
  • Promoción de albergues, casas de acollida, e cantos outros equipamentos ou servizos sexan precisos para facelo efectivo.